Vighneshwara ashtottara satanama stotram in Telugu | Pujalu nomulu vratalu

        Vighneshwara ashtottara satanama stotram

Vighneshwara ashtottara satanama stotram in Telugu

1.వినాయకో విఘ్నరాజో గౌరీపుత్రో గణేశ్వరః

  స్కందాగ్రజోఽవ్యయః పూతో దక్షోఽధ్యక్షో ద్విజప్రియః ||

2.అగ్నిగర్వచ్ఛిదింద్రశ్రీప్రదో వాణీప్రదోఽవ్యయః

  సర్వసిద్ధిప్రదశ్శర్వతనయః శర్వరీప్రియః ||

3.సర్వాత్మకః సృష్టికర్తా దేవోఽనేకార్చితశ్శివః |

  శుద్ధో బుద్ధిప్రియశ్శాంతో బ్రహ్మచారీ గజాననః ||

4.ద్వైమాత్రేయో మునిస్తుత్యో భక్తవిఘ్నవినాశనః |

  ఏకదంతశ్చతుర్బాహుశ్చతురశ్శక్తిసంయుతః ||

5.లంబోదరశ్శూర్పకర్ణో హరిర్బ్రహ్మ విదుత్తమః |

   కాలో గ్రహపతిః కామీ సోమసూర్యాగ్నిలోచనః ||

6.పాశాంకుశధరశ్చండో గుణాతీతో నిరంజనః |

  అకల్మషస్స్వయంసిద్ధస్సిద్ధార్చితపదాంబుజః ||

7.బీజపూరఫలాసక్తో వరదశ్శాశ్వతః కృతీ |

  ద్విజప్రియో వీతభయో గదీ చక్రీక్షుచాపధృత్ ||

8.శ్రీదోజ ఉత్పలకరః శ్రీపతిః స్తుతిహర్షితః |

  కులాద్రిభేత్తా జటిలః కలికల్మషనాశనః ||

9.చంద్రచూడామణిః కాంతః పాపహారీ సమాహితః |

   అశ్రితశ్రీకరస్సౌమ్యో భక్తవాంఛితదాయకః ||

10.శాంతః కైవల్యసుఖదః సచ్చిదానందవిగ్రహః |

    జ్ఞానీ దయాయుతో దాంతో బ్రహ్మద్వేషవివర్జితః ||

11.ప్రమత్తదైత్యభయదః శ్రీకంఠో విబుధేశ్వరః |

   రమార్చితోవిధిర్నాగరాజయజ్ఞోపవీతవాన్ ||

12.స్థూలకంఠః స్వయంకర్తా సామఘోషప్రియః పరః |

    స్థూలతుండోఽగ్రణీర్ధీరో వాగీశస్సిద్ధిదాయకః ||

13.దూర్వాబిల్వప్రియోఽవ్యక్తమూర్తిరద్భుతమూర్తిమాన్ |

   శైలేంద్రతనుజోత్సంగఖేలనోత్సుకమానసః ||

14.స్వలావణ్యసుధాసారో జితమన్మథవిగ్రహః |

    సమస్తజగదాధారో మాయీ మూషకవాహనః ||

15.హృష్టస్తుష్టః ప్రసన్నాత్మా సర్వసిద్ధిప్రదాయకః |

   అష్టోత్తరశతేనైవం నామ్నాం విఘ్నేశ్వరం విభుం ||

16.తుష్టావ శంకరః పుత్రం త్రిపురం హంతుముద్యతః |

   యః పూజయేదనేనైవ భక్త్యా సిద్ధివినాయకమ్ ||

17.దూర్వాదళైః బిల్వపత్రైః పుష్పైర్వా చందనాక్షతైః |

   సర్వాన్కామానవాప్నోతి సర్వవిఘ్నైః ప్రముచ్యతే ||

   ||ఇతి శ్రీ విఘ్నేశ్వరాష్టోత్తర శతనామస్తోత్రం సంపూర్ణం ||

Click here to Download

1.Vighneshwara ashtottara satanama stotram in Telugu